قصة : لعبة القدر

الجزء الثالث عشر

(تانى يوم راح ياسين لفاطمه يطمن عليها وهى بقت عامله ازاى)
ياسين:انتى فاكرانى
فاطمه:انا فين انا مش فاكره انا مين هو فى ايه
ياسين:انتى اسمك فاطمه
فاطمه:طيب انا فين بيتى وايه اللى لابسنى الفستان ده
ياسين: اصل ..ااصل احنا عاملنا حادثه واحنا فى الكوشه
فاطمه:طيب انا عايزه امشى
ياسين:حاضر تعالى
(ياخد ياسين فاطمه على بيته ويديها هدوم من بتوع اسماء
ويدخلها تنام شويه ترجع اسماء من الشوبينج)
ياسين:كنتى فين
اسماء:كنت بعمل شوبينج فى حاجه
(ياسين يقول لأسماء على كل حاجه )
اسماء:ياحبيبتى يافاطمه
ياسين:انا مش عايزك تزعلى علشان هبقى جوزها وكده
اسماء:لأ مش هزعل وبعدين هزعل ليه يعنى تكونش توم كروز
وانا ماعرفش ولا حاجه
ياسين:يخربيت ام تناحتك ماتلمى نفسك
اسماء:ليه وانا متبعتره
ياسين:امشى ابت امشى👊👊
اسماء:طب براحه طااه الله
(فجأه يسمعوا فاطمه بتصرخ يدخلوا بسرعه ليها)
ياسين:فى ايه يافاطمه
فاطمه :انا شوفت واحد امور اوى بس ملامحه مش باينه بيقولى
بحبك ومش هاسيبك انا مش عارفه مين ده مين
ياسين:بااس خلاص ناميلك شويه تلاقيها تهيؤات بس مش اكتر
انتى اتهلكتى فى الحادثه دى ولازم تستريحى ماشى
فاطمه:ماشى بس انا خايفه اوى
ياسين:خلاص بقى نامى جتك القرف فى لكك
(فاطمه تضحك ضحكه بسيطه وتنام وهى متأكده ان دى مش
تهيؤات )
اسماء:هى بتبتدى تتذكر صح
ياسين:هو ده اللى انا عايزه بس ..
اسماء:بس ايه
ياسين :هتاخد وقت عقبال ماتربط الذكريات دى
اسماء:مش ماكتوبلها تفرح ياعين امها
ياسين:انا حاسس بالذنب ان انا ماقدرتش انقذها انا انسان وحش
اسماء:ده قدر والقدر اختارهم علشان يلعب بيهم احنا مالناش
دخل فى كل ده كده كده كان هيحصل اللى مكتوب ربنا اللى
كاتبه لينا واحنا مانقدرش نعترض لازم نحمد ربنا مش كده
ياسين:ونعمه بالله طب انا هنزل علشان الشغل خلى بالك منها
دى امانه لحد ماتفوق وجوزها يستلمها مننا ماشى
اسماء:دى فى عينى انت بتوصينى على اختى
ياسين:اصيله اوى ياختى
اسماء:غصب عن عينك👊
ياسين:والنبى لوحرامى دخل وهو ماسك مطوه مش سكينه
وقالك هاتيها والنبى لتوصليها لحد بيته كمان😂
اسماء:هو انت مش نازل امشى ياض يلا هش بقى هوينا
ياسين:ماشى 👊👊
(عند لؤى فى الڤيلا لؤى قاعد بيعيط ويلاقى رنه تليفون
يدور فين الرنه دى يلاقى تليفون فاطمه محطوط على الترابيزه
واللى بتتصل صاحبتها ساره يفتح لؤى )
ساره:ايوه يافاطمه انتى اتجوزتى ونسيتينا ولا ايه
لؤى:انا لؤى مش فاطمه
ساره:سورى اومال فين فاطمه
لؤى:عملنا حادثه .......وفاطمه ماتت
ساره:ايه لأ مش معقول
لؤى:مقدر ومكتوب
ساره :طيب البقاء لله شكرا 😢😔
لؤى:شكر الله سعيكم باى
(يقفل لؤى ياخد التليفون ويشم ريحه فاطمه اللى معلقه فيه
وهو بيعيط ويفتح الفيديوهات يلاقى فيديو بأسم(حلم عمرى)
يستغرب لؤى من اسم الڤيديو ويفتح الڤيديو يلاقى فاطمه
فى الفيديو تدمع عين لؤى من اشتياقه لحضنها وحبه ليها يشتغل
الفيديو وكانت فاطمه طالعه فى ليله فرحها بالفستان )
فاطمه:هاااى انا فاطمه انا بنت عاشت من غير ضهر يسندها
من بعد ابوها مامات بس عارفين عيال صغيره وكوبايه عصير
مانجه عرفتنى على لؤى او روحى كان ضهر ليا كان بيخاف
عليا اكتر من ابويا كان ليا اب واخ وصديق هو بابا وهو ماما وهو انور وجدى 😂انا بقيت لما مااسمعش صوته بحس ان روحى بتنسحب منى انا قبل مااعرفه كنت مخطوبه لواحد قالى
انه بيحبنى وعمره ماهيستغنى عنى وفى يوم وانا داخله
شقتى كنت بشوف العفش دخلت الاوضه لأقيته بيخونى
مع اكتر واحسن صديقه ليا كنت شايفه الحياه سوده
ولما عرفت لؤى قولت الدنيا هتضحكلى تانى بقيت فرحانه
بس ربنا بيختبرنى فيه علشان يعرف لو انا استاهله ولا لأ
ندى صاحبه عمرى كانت عايزه تاخده منى وهى اللى اكدتلى
انه بيحبنى علشان هى بنت ناس شيك ومستواها اعلى من
مستوايا ده غير انها جميله اوى كان ممكن يسبنى لكن كان
صادق فى حبه ليا ولو كانوا قالولى اديله قلبى مش هتردد
لو يوم واحد اهو بقيت مراته وانهارده فرحنا بحبك اوى
يافرحه جاتلى من عند ربنا وبحمد ربنا كل يوم عليك وعالفكره
نفسى كمان لو مُت يتجوز عليا ولما يخلف يسمى بنته فاطمه
انا خايفه يحصله حاجه بدعيله عالطول لؤى بحبك اوى
(يخلص الفيديو ولؤى بيعيط مش قادر يمسك نفسه يصرخ )
لؤى :لييييييييييييه هى عملت ايييييه ااااااااااه ماعملتش
حاجه غير انها حبتنى بس ليه يارب ليييييه
(عند ياسين فى بيته اسماء بتخلى فاطمه تلبس هدومها
وبتعملها الاكل وفاطمه بتساعدها فى البيت وفى المواعين
وهما الاتنين بقوا اكتر من الاخوات وفى يوم وفاطمه بتتفرج
على التلفزيون ييجى منظر رومانسى زى اللى عمله لؤى ليها
قبل كده فاطمه تحس بدوخه وتشوف نفس المنظر بس موغوش
مش سامعه غير وهو بيقول بحبك يافاطمه يغمى على فاطمه
تيجى اسماء تلحقها بسرعه وتشيلها وتفوقها تفوق فاطمه )
اسماء :ايه اللى حصل يافاطمه
فاطمه:انا اسمى فاطمه انا فاكره انا سمعت واحد بيقولى بحبك
يافاطمه انتى مصدقانى يااسماء مش كده
اسماء:اهدى انتى الذاكره بدأت ترجعلك وانشاء الله هترجع قريب
(تنده اسماء لياسين وتقوله على اللى حصل لفاطمه)
ياسين: مش عايز ندى تاخد خبر باللى حصل ده فاهمه
اسماء :حاضر
(عند لؤى ندى تروحله علشان تطمن عليه )
ندى: انت كويس دلوقتى
لؤى:الحمد لله
ندى:انا بحبك ونفسى ابقى مراتك و...
لؤى:باااس انا موافق بس لازم لما فاطمه تتم الاربعين
ندى:انا موافقه وبعدين هتتم الاربعين بعد يومين ايه رأيك
نعمل خطوبتنا تالت يوم عالطول
لؤى:موافق
ندى:حاجه كمان هاجى اقعد معاك اخدمك لما نتخطب ماشى
لؤى:ماشى

مع تحيات Rahoofa